| 加菲 さんのプロフィールOnlyブログリスト |  ツール  ヘルプ |
|
Only長大了…便要懂得接受現實與理想的落差。 4月5日 注意！蟲出沒Flames to dust
Lovers to friends Why do all good things come to an end 懶蟲又出沒了，哈
人越活越消極，哈
學習接受。。。現實與夢之間的距離
很多事情，人的力量有限
面對現實，人總是無能為力。
3月11日 廣東省之旅星期一至三出左第一個trip，
起初真係好驚，
拎住d錢同批文，
帶住成隊crew過關，
十下十下，好彩全程導演都好照顧我。
去到第一個location 拍tag就俾公園d人阻住晒︳
話要收錢，好彩我跟佢地去，都拖延到時間，
等我番o個陣已經拍完個tag:D
呢個TRIP不斷食不斷食，好似食到個胃口都大埋添！
D食肆都好好招待，
最滿意都係第一日個兩餐，
翠翠仲成日趁無人覺，
靜靜雞偷食！
由於佢同我怕一個人訓，
於是最後我地兩個同房，
佢份人都搞笑，成日擺D好奇怪的POSE，笑爆嘴~~
聽講四月都有TRIP去，
可能去泰國或者韓國。
如果好似今次咁開心就好喇！
不過唔好再遇到今次的車長，
唔識路，仲要上HIGHWAY都唔出聲，
已經唔夠時間拍，仲要因為咁不斷OVER，
日日十二點收CREW，連番酒店都行錯路-__-
2月11日 毀完完全全把這兒忘了。
反正這裏寫的都言不由衷，
最想講的都未必會寫出來，
寫了白寫。
寫blog對我而言只是為了記錄，
日子過得太快，我善忘。
每晚放工都是行屍走肉，
有種想自己毀滅自己的念頭。
情人節要開工。
大年初一要開工。
回家也要開工。
腰骨很痛。
已懶得和別人的悠閒比較。
只是，有點無奈。
所以，想毀滅自己。
1月10日 慣性的懶。。。蟲也走出來了一下子，
友緣相聚完了，
仁濟也完了，
二月要開兩個節目，
但感覺好像很遠。
終於補了假給我，
但無無聊聊，
浪費了這幾天。
放棄了找工，
一想到其他工作的苦悶，
我就毅然卻步。
人事都是不能盡如人意。
錢，無。生活時間，亦無。
偏偏我還要繼續做。
真搞不清楚自己，
還想在這鬼地方插科打諢到甚麼時候？
還是，難道，仍以為我能幹甚麼嗎？
我了解自己的脾氣。
我是懶慣了，怕去適應。
所以，情愛裏，我不會是提出分手的人，除非忍無可忍。
所以，工作上，若然仍有丁點的留戀，我都註定離不開。
我怕極了分開那一刻。這是慣性的問題。
So，我未能做到遞送辭職，
不如你先炒了我。
12月26日 破財呀。。。日子過得很快。
每日都在忙忙碌碌，
雖然回首而望，
不知自己在為甚麼而忙。
一、
阿雪邀請我去他哥哥的喜宴，
當日收工就去，
估唔到來是在grand hyatt擺，
唉，著到好寒酸。。。
食完呢餐的感覺係
我唔上流社會的生活-__-
二、
由於工作關係，
我與李碧華的助手通了幾次電話，
第一次與自己欣賞的人感覺這樣近。
事緣《友緣相聚》想用李碧華小說的封面，
天地圖書都已經俾用，
偏偏當晚李碧華的助手就打o黎：
「李碧華小姐一向都好低調，
佢唔想佢任何作品出現o係個節目入面……」
有性格。唔賣無帳。
點知到第二日，助手又打俾我：
「我驚我尋日講得唔清楚，
李小姐想個節目唔好提到佢個名，或有關佢o既野……」
已經多野做到燥底的我於是講：
「我已經同導演講左話唔用李碧華的小說封面，
不過李碧華個名係我地vo加入去，
係個嘉賓自己講，
我諗我地好難特登剪走李碧華幾隻字囉。」
(而且成個節目的版權係我地，唔係你囉，該唔好得寸進尺，多多要求囉)
李碧華，真是令我又愛又恨。
三、
阿茄同fanny由於負責風水節目，
同我玩求籤，求工作就叫我早d走，
再用了「雪、海、綠」三字求姻緣：
原文：「安如泰山，穩如盤石，放膽前行，中通外直」
解說：「萬事順暢，大吉大利」
希望如說所講，大吉大利就好了。
四、
保良好完左無耐，我又要出仁濟外景，
d artist有麻煩，有勤力，總知點都好，
好想走。出完雙糧就走，咁就好lu。
五、
TVB無咩聖誕氣氛，
我就白撞咁去左阿雪公司的christas party，
人地公司真好，又融洽，又好氣氛。
我仲抽中一份兒童版大富翁做禮物，哈~
六、
廿四號去左澳門，
一落船就發現唔見左個話，
已經拿拿林去報失，點知都係搵唔番-___- 黑仔
所以朋友仔搵到我係o岩，因為我即刻cut左我個電話。
成個澳門團，簡直係賭場之旅，
普京、永利、金沙、巴比倫，
連酒店樓下的casino都去埋，
阿雪贏少少，有六百蚊斬獲，
不過呢幾年都唔去澳門喇，好悶呀~~
12月9日 別後十年唉，又加集數，
加到無譜。。。
幾時先做完架？！
我廿四號一定唔開工架！！
今日竟然可以唔使晏走，
於是順利約到小學同學出o黎食tea，
咁耐無見，仲驚無話題，
點知一講開以前d野，
個個都好似開籠雀咁，屋企都唔捨得番。
阿佩宜家o係布廠做野，
專做「扯布」(？)，仲會做埋design，
佢仲帶我地去朗豪坊，
o係人地舖頭教我地認布，
唔知d sales會唔會當我地係臥底？
唔講唔覺，原來已經小學畢業十年，
好多同學仔都失晒contact，
睇o黎見到面都未必認得，
好想八下佢地宜家變到咩樣，
我應該無咩點變啦，尤其個高度。。。
永遠都係咁，人睇我好，我睇你仲好，
個個出o黎做野o既都覺得份工唔好。
我唔知自己想點，
我只係知道宜家真係好想走，
我唔係唔鍾意份工，
但我想知道自己做緊乜，
為緊乜而咁辛苦。
12月2日 缺鈣小員工之半載回憶錄不知不覺，o係無線已經做左半年。
呢半年好似眨下眼就過，
但係又好似好漫長，
真係矛盾@@
曾仲有記憶，做個小小記錄：
7月--香港先生男逢敵手
香港先生競選(做得好開心)
8月--2008北京奧運倒數兩周年(第一次做OB)
9月--星光熠熠耀保良(好似去睇場演唱會咁)
10月--走在最前精彩三十九年(搵角色名搵到傻)
11月--萬千星輝頒獎典禮2006(極大壓力…)
葆露絲特約：身型與美學(小小野但煩過鬼)
12月--友緣相聚(最蝕呢個，冇得出TRIP，最難啃就要我啃)
coming--仁濟……(唔想做)
o黎到宜家，已經無得再用新人呢個excuse
做錯野次次都會俾人原諒……
呢段日子，其實都學左唔少野
首先寫稿，我覺得自己真係寫得好左，
雖然度稿都仲未好得，
但知道自己衰咩先。
而且個膽大左，冇咁怕人。
識左好多版權o既野，
例如點同電影公司、報社傾 right，
由於有可能用到911 d片，
我仲試過同倫敦美聯社溝通過(只限email)
逐條片段逐個shot同我計，複雜到痴線……
個人好累，唔想做野
無晒私人時間，
但搵份朝九晚五o既工我又唔甘心，
唉，前路茫茫呀~
|
|||
プライベート メッセージの送信
RSS の取得
このスペースを紹介
Live.com に追加
つながりに追加
アラートにサインアップ|
|
